Una passeggiata che tradisce le intenzioni...

Arsura

 

Da quanto dura

l’arsura in questo posto

sotto gli occhi di tutti

che nessuno reclama

la spesa

e la brutta figura

come una cosa che dura

da tanto

che fa male vedere una pianta

morire,

dell’erba seccare

dopo averla pagata

fior di quattrini ?

 

Ma quali bambini

amministrano il pianto

di questa città

se niente fiorisce

con l’acqua ch’è tanta

ogni istante del giorno ?

 

Quella che manca

oltre all’incuria

è lo scorno

che fa disadorna

l’urbanità.

 

Gioacchino Ruocco 10.07.2020

Testamiento

Quanta belli cose

stanno attuorno a nuie

si fosse sul ‘a rosa

stesseme frische.

Ma si ‘un sapimmo chiagnere

quanno ce n’accurgimmo

che simmo, chi simmo

si nun capimmo chesto?!

Vulessemo fa festa tutt’’e juorne

Putessemo ma ‘n o capimmo ancora.

si aggi’ aspettà ca more,

ma che ce campo ‘a fa ?

Primma ‘e schiattà però

te lascio stu tesoro

‘o sentimento mio

ca nun vò muri.

Facimmece a capì.
si pienze ca ‘n è overo

lasciamma stà.

Io so n’ommo sincero

pe me ‘a libertà è ‘a primma cosa

e l’onestà ancora ‘e cchiù

Io sto murenno cu essa dint’’o core

ca nun ce ‘a faccio cchiù

cu tanta mariuole tuorno tuorno

can un canosceno ‘o scuorno

ca ce hanno fatto ‘o callo

si no restanoo senza palle.

Rafè, Viciè, Carmè,

nun me chiagnite

‘o saccio ca tenite

ll’uocchie ‘e vrite

nun me facite fesso proprio vuie.

Ce canuscimmo ‘a quanno ‘o sapurito

piaceva pure a me

ma nìatu litro proprio nun ce ‘a faccio.

M’aggio lavato so’ tutto pulito.

‘Ncuollo me so’ miso ‘o camisaccio

pecchè nun saccio

si fanno ‘o triatiello pure llà.

Io m’arricordo ‘a parte.

Eremo guagliune ‘e miez’’a via

Mò simme signure quase quase

permetteme te voglio da nu vaso.

Si ‘un ce vedimmo cchiù

forse tre trase nu pnziero mie

Fance chello ca vuò

ca nun è cchiù d’’o mio.

Gioacchino Ruocco

27.05.2020                Ostia Lido h 07.51

Ll’urdena canzone…

Spruzzaglia sta cadenno

e nun è marzo.

CChiù pazzo ‘e te

ce sta sulo ‘o tiempo

ca a juorno cagna

e nun ne vo sapè.

Ma che l’hai mmezziato

c’’a quanno io te cerco

me faccio tutto ‘nfuso

nu juorno si

e n’ato appriesso pure

ch’e vvote me ne vaco muro muro

o me fermo sotto a nu purtone.

aspettano ca passa qualcheduno

cu nu ‘mbrello

mentre me fumo o ll’urdemo mezzone

ca tenevo ‘int’a sacca

‘a qualche tiempo ?

Cu te ce vò pacienzia,

ma ‘e quarte d’ore passeno

senza ca cagne ‘o tiempo.

‘E vvote canto Ll’urdena canzone

pe nun me sentì sulo

‘nmiez’’a sta confusione

ch’’e me nun se ne ‘mporta.

Qualcuno ca saluto

fa ‘a faccia storta,

va ‘e presse e nun se vò fermà.

Nisciuno cchiù ‘a vo’ sentere,

nisciuno ‘a vò cantà.

Ostia Lido 16/10/2012

Inserita nella raccolta “Suspire ‘e miezojuorno”

di Gioacchino Ruocco