 |
| Raffaele Viviani |
Don Rafè, si vuie turnate
faccio pur’io ‘a fessaria ‘e turnà.
‘A villa, mò, l’hanno accunciata
e ‘o mare stà cchiù fore.
Io m’arricorde ‘e vuie tutt’’e juorne
e tutte ‘e juorne me tornano ‘int’’o core
c’’a dudece anne , a tridece
cu ‘a famma e cu ‘o capì
cu mmano ‘o sillabbario
‘mparasteve a capì.
Io so nu paisano
c’ormaie campà luntano
ca ogne tanta torna c’’o penziero
addò aiere campava.
Me sente, ‘e vvote,
comme a nu furastiero
pure si qualcheduno
me guarda ancora
e me vulesse di:
Ma nun si chillo ca…?
Si riturnate,
comme a duie stucchiune,
facimme a ce tirà ‘e capille,
cu ‘ e ddete dint’a lluocchie
e ce mettimme a raccuntà
tutte ‘e papocchie
c’hammo campate,
chello ch’è stato è stato.
C’’o rischio ‘e ce truvà
chillo ca dice:
Vuie ve sbaglaite
‘e cose songo jute. e n'atu modo.
Mò v’’o cont’io.
chello c’avite fatto.
‘E paisane
ancora chesto songo.
V’’o ddico io.
Pe vuie tengo rispetto don Rafè.
E’ tanto ca ve saccio,
a chillu juorno ca don Mimì Santoro
‘e vuie me parlaie.
Quanno truvaie nu libbro
ca ve raccuntava
nun me stancaje maie ‘e leggere.
Ve sento comme a nu frate.
Me piagliate p’’a mano
e m’’e purtate
addò vulite vuie
redenno, pazzianno, facenno poesie
tanto ca nu stucchione ormaie
so’ pur’io.
Torno purio,
si riturnate vuie,
accussì ce tenimmo cumpagnia.
Gioacchino Ruocco
01.08.018 Da Ostia Lido
Nessun commento:
Posta un commento