Ogge chi t’appassa

 

Ogge chi t’appassa

 

Ogge chi t’appassa

ca nun ce sta nisciuno

cu nu passo

luongo comme ‘o tuie.

Si sulo ‘int’a sta villa

e chi te vo acchiappà

manco pe capille

‘o po’ fa cchiù

ca ‘ncopp’a capa toia

ne so’ rimaste duie

ca comme a nuie

stanno senpe a ragiunà

p’avè ragione

d’’o tiempo ca rimane.

Dimane forse

nuie nun simmo nuie

saranno n’ato duie capetuoste

ca ‘o fanno apposta

pe nun  sapè che fa

si no s’ammosceno

si no s’accasceno

mute ‘mmiez’a villa

senza cchiù capille

‘ncopp’a coccia.

Eppure na vota

eremo mille

cu ll’Unità

sempe sott’’o vraccio.

Mò duie stracce ‘e uommene

ca che s’accaceno

nun ‘o voglio sapè

ca senza mascherina…

c’ormaie so' tre o quatte

o ciente, ciente quarantaquatte

cuntannele

mentre stanno passanno…

Ma ‘o sanno o ‘o nun ‘o sanno

‘e tutto stu malanno

ca ce stà ?

Chisto è Castiellammare…

‘A ggente se ne fotte

Fanno ‘e cacasotte

quanno vonno,

ma nun so gnurante

maie pe fatte lloro.

 

Gioacchino Ruocco

Ostia Lido   05.08.2021  h 07.10