E chi ce torna cchiù ‘nterra Surriento....

                    Torna a Surriento

 

E chi ce torna cchiù

‘nterra Surriento

si quanno ‘o viento scioscia

porta ‘o maletiempo

ca scogna ‘int’’e ciardine

tutt’’e purtalle

ch’ereno rimaste ancora

‘ncopp’e piante .

 

‘O chianto ca me sento

dint’’a ll’uocchie

nun è p’’a carocchia

ca m’è dato

ma pe chello c’aggio perzo

ca ‘o  si Vicienzo

a me nun era pate,

ma na perzona a modo

c’ancora ȃ ll’eta soia faticava

ca nun vuleva ȃ ll’ate

chello ca suie nun era.

 

Chi l’è levata ‘a vita

nun se sape,

ma qualched’uno è stato

pe comme

hanno truvato cumbinato

pure si avesse pizzicato

cu ‘e mmane ‘int’a farina

nu figlio ê mappina

ca ‘ngiro ce ne stanno

ancora tante.

 

Torna a Surriento

e chi ce torno ancora

pure si torno sulo pe fa ammore

c’’a guagliunella ê turno

ca me gira attuorno

e fa rucielle

fino a ca nun se sazia

ê sta canzone

ca fino ȃ ‘o capo

ca nuie cantanno jamme…

 

Gioacchino Ruocco

Ostia Lido   06.08.2021  h 09.00