E' bello stà cu ll'ate

E’ bello sta cu ll’ate!

Si ognuno dà qualcosa

comme a na provvidenza

ca si nun staie senza

almeno te renfrisco.

Nun ‘e capisco a chille

ca stanno sulo a sentere

e ca te danno a ntennere

chi sa che sanno

e po’ nun sanno niente

quanno tu ‘e miette a prova.

Pecchè chi tene ‘a dicere

nun se fa maie pregà,

pecchè vo’ cuntà a ll’ate

tutt’a meraviglia

ca isso ha già pruvata

scrupenno certi ccose

ca manche immaginava.

So ccose peccerelle,

ma sfizziuselle tanto

ca pure na minuzia

po’ addeventà nu vanto.

Quann’ero cchiù guaglione

seguevo stu cunziglio

'e sta cu chi è meglio

e falle pure ‘e spese

pecchè se mpare sempe

jenne cu ll’ate.

Nun è ch’’e frate

penzeno sulo a lloro

ma che te ponne dicere

si so’ cchiù peccerille.

Na jucatella

ma ja sta sempe attiente

si no si ‘o cocco ‘e mamma.

Quanno papà ritorna

a sera d’’a fatica

le tocca sempe ‘e sentere

‘’o cunto ‘e Capuranno.

Papà, papà, Giacchino...

Ma quanno staie cu ll’ate

tu t’ammesura ‘o passo

e arapere 'a vocca

sicuro ‘e che vuo’ dicere

e saie che te tocca.

E’ bello sta cu ll’ate.

Pure na surriate

te sceta ‘o sanghe 'ncuollo.

Si ire muollo

te faie cchiù tuosto

e nun haie cchiù paura,

affrunte a pare e pare,

‘e miette spalle ‘o muro.

E juoco tutt’’e juoche

ca saie comme se fa

‘a vita è comme a n’arte

e si t’’a vuò ‘mabarà

fattella nzieme a ll’ate

accummincianno ambresse,

pazzianno, oi ni, pazzianno

quanno vuò pazzià.

Chille ca sanne ‘e regule

sanno comme se fà,

ca si le tuocche ‘o nase

primme te fanno ridere

e po’ ce stà ‘a pruvase

che è meglio nnu'  pruvà.

Gioacchino Ruocco

Ostia Lido             08/03/2013

Inserita nella raccolta "Tipi.... "