Stu piezzo ‘e pane

Stu piezzo  ‘e pane

Stu piezzo ‘e pane ch’è na cannarizia

e chi s’’o levo cchiù ’a n’ante a ll’uocchie?

Nu piezzo ‘e pane ca si nu l’assaggie

quanno ‘o vide ‘e mangià a ll’ate

te pigli’ ‘a freve a guardarle suddisfatte.

Ma comme ha fatto  ca pure ‘a jatta

s’arraffa ‘e mullichellle terra terra

 ca cadeno mangianno a vocca aperta

visto ca si n’esperta e pappamolla

da colla ‘e riso e d’‘o monestrone

ca sotto s’attacca quanno  l’acqua manca.

M’’o ddice comme faie tutte sti guaie

e staie cu ll’uocchie ‘a fore pe stu ppane?

Ogne guardata  so’ ddoie palatelle

ca fanno a fine’e na sfugliatella.

Una cannaruta comme a te  ‘un ‘a

sapevo! Te ne faccio una ‘e cchiù  

ca quanno passe e puorte appriesso

pure ‘o contrabbasso facimma na sunata

quanno  te sazia pe stu sizia sizia

ca mette ‘a freva ‘ncuollo pe nu sfizio

e vaie ‘e pressa comme qualcuno

t’’o levasse  a nante. Ma chi t’appasse ?

chi t’o leva ‘a mano ? Mangialo ‘e chiano

e viretenne bene e crisce santo.

Gioacchino Ruocco

14.11.018  Ostia Lido

Dedicata a Rosalba Spagnuolo che ha postato

l'immagine e credo anche l'artefice del manufatto.