‘A vita rura ‘o tiempo

Agli amici FACEBOOK di Castellammare di Stabia che nutrono gli stessi miei sentimenti.

‘A vita rura….

‘A vita rura ‘o tiempo

ch’è nicessario a essa

o pe te fa fesso

facennete campà mez’ora ‘e gaie

o pe te fa fa fa

chello ca vo’ essa

ca po’ è stessa cosa.

Si nun me cride

ormaie te ne si accorta

pecchè si arape ‘a parte

e nun staie attiento

te trase dinto

pure ‘o maletiempo

l’inferno, ‘o purgatorio

mentre ‘o paraviso

è sule pe chi é nato

cu ‘a cammisa.

‘A vita ? E chi ‘a cumanna ?

Tu faie chello

c’ha deciso essa.

Può essere

‘o cchiù fesso, ‘o cchiù deritto

ma dint’’o stritto

sempre te ce truove

pure si fa ll’uovo e ‘un sì gallina.

‘A vita ?

M’avvitata ‘int’a sta casa

ca ‘un ‘a voglio abbandunà

manco si more.

Io veco ‘o mare

pure ‘a dint’’o lietto

e si me fa dispiette tutt’’e juorne

sia beneritto ‘o stesso

si cu nu fritto

me ne fa jì ‘e capa,

me regna ‘a panza ‘e’ o core

e nu sapore e addore

ca ‘un te può scurdà

fino a ca muore,

ca ‘un te vò fa muri

pecchè st’addore

addò ‘o truove cchiù

ca ‘nparaviso

diceno sultanto avemmaria

e ostie sante mangiano

senza maie faticà.

Gioacchino Ruocco

02.01.019   Ostia Lido

Fiorenza, Cesino, Rosalba, Michele, Delfina, Vincenzo, Annibbale, Nicola, Saverio,Peppino, Pascale, Francisco, Rafele, Luigi, Libborio, Antonio .... del presente e del passato. 

Un caro augurio con idee nuove e con la voglia di fare una Castellammare sempre più viva. 

Gioacchino Ruocco