giovedì 31 gennaio 2019

Incidenti sul lavoro nel 2018. 
Dati Inail: tre morti al giorno

Fravecature ‘e ogge

Na vota ll’annete

ereno ‘e ligniammo

fatte d’’a ‘e carpentiere

o pure chi accucchiave

quatte chiancarelle

e arrevave ‘ncielo

comme isso pretenneva

o c'ereno ‘e valanze.

Saglieveno e scenneveno

cu nu dulore ‘e panze.

Si ‘e ffune se spezzaveno

ereno guaie gruosse.

Sicuro se mureva,

e peggio si se rumpeveno

tutte quante ll’osse.

Quanno ‘e pigliave a terra

ereno strille e chiante.

si già nun era muorte

qualchedune.

‘E sante  chi ’e pregave

nun sempe se salvava.

Qualcuno rispunneva:-

Ma quante si scucciante.

Sempe cu ‘a stessa storia,

ca si nun care ‘o vante

è sultanto ‘o tuoio

s’invece po’ te rumpe

‘a colpa è sula ‘a mia

pecchè ’a mano ‘e dio

nun l'aggio po’saputo

ancora ‘mpietosì.

Ma cagnelo ‘o patrone.

Chisto pe sparagnà

n’ha fatto già muri

chesta semmana duie.

Uno a Punticielo

e n’ato dint’’a Pigna.

E ch’è rimasto ‘e st’uommene ?

Na scarpa senza a mpigna

e quatte criature.

E chi s’accolla mò

st’aneme ‘e Ddio ?

‘E zie, ‘e nonne,

si già nun sogno muorte,

e a miseria aonne

però nun cagna via

so sempe ‘e stesse case

a chiagnere e a patì.

Quanno siente nu strillo

è ghiuta storta ancora

‘E muorte nun se ‘mapereno,

e ‘e vive hanna muri.

Chesto sta scritto ‘ncielo.

d’’a ‘o ll’unneri o sapato

ca nun avasto ‘o chianto.

Ma quanno ‘o vuò capì,

quanno addeviente santo

e nun può fa cchiù niente ?

M’hano attaccate ‘e mmane!

Facevo veni ‘o viento

quanno ‘e muvevo…

pe  'mpietosì a Ddio.

Gioacchino Ruocco

01.02.019   Ostia Lido