Voglio cagnà penziere!

Voglio cagnà penziere!

Voglio cagnà penziere!

Fino a iere,

chello c’aggio fatto fatto,

‘o sfratto ‘un è arrevato,

ma manco niente

ce aggio guaragnato

ca te lamiemte ancora.

‘O mmio ‘o faccio sempe.

Nun so’ nu pataterno

comme vulisse tu,

ma ‘o pporto sempe a casa

addò staie pure tu e ‘o vire.

Me faccio niro niro

ma so‘ onesto.

Nun ‘mpresto e nun ne voglio.

Sarraggio comme

‘o scoglio ‘e Ruvigliano

sulo e sempe mmiez’’o mare

ca nun le dà pace,

ma nun so’ capace ‘e chiagnere

pe niente.

M’acchiappo ‘o viento, ll’acqua,

tutte ‘e tempeste ‘e mare

ma quanno ‘o tiempo è bbuono

e resto sulitario

me godo ‘a lenza ‘e sole

ca me porta

‘e pisce comme a chille ‘e maruchiare.

Meglio sta mmiez’’o mare

ca sulo nterra a rena,

meglio aspettà ca viene, ca rituorno

ca sentì ‘o scuorno

ca me miette ‘nfaccia

cu chello ca t’accaccia,

manco ‘e tempesta ‘e mare.

A mmiez’’o mare

c’è ll’aria sapurita

e ‘o ssale è sempe justo.

Nisciuno se lamento

‘O gusto è uno

chillo da brava ggente

ca vò campà cuiete.

Gioacchino Ruocco

Ostia Lido        26.05.019