Anema pazza....

Anema pazza

Anema pazza

‘a quanno t’aggio perza

nun trovo na capezza

pe stu ciuccio.

Si mengo a mmare 'a rezza

songo cchiù pezze

ca ce trovo a dinto

ca pisce ca capisce

vaco a venne.

Aggio cagnà mestiere!

Già aiere succedette

ca io tagliavo ll’aria a fette

e nisciuno s’accattava.

Pruvaie a fà purpette,

ma uno c’assaggiaie

cchiù pazzo ‘e me

jeva mmurmulianna:

-  Ma nun sape ‘e niente,

manco ‘e aria fritta.

E beneditto Ddio

ca nun me fanno male.

Ma che c’è miso a dinto?

Nu puorco comme te

ca troppo viecchio

ormaie s’era fatto.

Na recchia ‘e cane

ca me rummanette

da semmana primma

e uoglie ‘e pimmece

ch’è sempe sapurito

‘a quanno so’ rimasto

senza ‘o dito

ca me mettevo mmocca

‘a piccerillo.

Due ciuccaglie ‘e vecchia

ca ‘un c’è cchiù sapurito

e p’’e guaglione ‘e ogge nu marito

curnuto cuntento e senza vrito.

Magnate, magnate!

Apprufittate

ca pe dimane

nun ce reste niente.

S’’e po’ magnà

pure chi è senza diente.

Gioacchino Ruocco

Ostia Lido 05.07.019

A tutti quelli che vanno chiedendo giustizia e si trovano con risposte inopportune. (L'Autore)