Quanno me sento perzo....

Quanno me sento perzo

e sto p’’a via

‘e vvote cagno vico,

ma quanno stongo a casa

e sto cu ttico

‘o saccio a ddo mettere

ogne penziero

ca me vene ‘ncapa.

Si no appena arapo ‘a vocca

me vene ‘ncuollo na trave

 ca si nun me scanzo

sto peggio d’’a paranza

quanno m’acchiappa

pe mmetterme ‘int’’o muollo.

Me tengo annuro

fino a ddò io pozzo

ma puzze attuorno

nun ce ne stanno

comme ‘int’’a campagna,

addò annasconnerme.

Pozza stà bbuono

chi me dà na mano,

ca io non voglio ‘o mmale

maie ‘e nisciuno.

Sinceramente

io nun cagno pelle.

Pe me a verità

primma d’’o bbene.

Si no io faccio

‘a fine ‘e chi

nun riuscenne a capì

dice nu sacco ‘e fessarie.

Onestamente primma ‘a verità

e po’ si me vuò bbene

vene ‘o riesto.

Io faccio festa

cu ll’anema sincera.

Sarraggio niro ‘e faccia

ma ‘o core mio t’ccaccia

tanta sincerità

ca senza ‘e essa

nun ce sta niente ‘a fà

manco si more,

si me faie schiattà.

18.07.019            Ostia lido