So tutte maste….

So tutte maste….

Quanno te vengo appriesso

me sento fesso

cchiù ‘e chello ca songo.

E nu’ stò maie fermo

maie nu minuto

'E mille penziere

me ne bastasse uno.

 Ma quanno tengo ‘a fà

so sempe ‘o primmo

e attuorno

‘a folla p’’e cunziglie

ma ce ne fosse uno

ca desse na mano.

Lloro so’ buone

e io nun saccio fà

manco nu nurgo

‘ganna  p’affucà.

So tutte maste ‘e forge,

so tutte maste d’ascia

ma quanno ne vuò uno

tene ati ccose ‘a fà.

Ma ‘e che paese songo ?

So’ n’ate a n’ata parte

 nun so ‘e Castillammare

‘e quanno a mmiez’a viila

acconciano quaccosa,

cu ‘e mmane ‘int’’e capille,

ce ne stanno ciente

e chi fatica  è sulo

all’acqua, all’aria, a ‘o veinto

e ‘o danno cchiù turmiente

ca vuie nun ce credite

ca è cchiù sapurita

chella mez’ora ‘e sosta,

quanno rimane suolo

‘o puveriello

cu nu vascuotto ‘e grano

‘nfuso dint’a ll’cqua.

Si appiccia ‘a sicarretta…

Chesta ve fa male

Chesta v’accire…

Ma chi ve ce ha mannato ?

a darme sti turmiente

ca già risponne n’ato

Va a darle nu cunziglio

ca cu ll’età ca tiene

si tu me fusse figlio…

M’appena ‘o sole aesce

votte ‘o piccone a ll’aria.

Cu tanta maste attuorno

a me chi m’’o fa fà ...

‘O primmo ca me parla

‘o mette a fateca…

Gioacchino Ruocco

29.03.019   Ostia Lido.