Scusate Don Rafè, che v'è succieso ?

Scusate Don Rafè,

che v'è succieso ?

Aggio saputo ca 'mmiez'a Villa 

nun ce state cchiù ?

M’hanno ditto

c’'o brunzo s'è ammalato

e hanno purtato ‘o busto

a riparà.

Sperammo ca sta vota

fanno‘o servizio bbuono

Si po’ è nu sfizio pe ce guaragnà

se vede c’’o munno  'un è cagnato.

Che ce vulevo ?

Nu poco ‘e stagno ‘e cchiù

ch’era cchià ttuosto ‘o brunzo.

Io m’’o sentevo

ca n’ombra ‘e friddo me truvavo ‘ncuollo

ca starnutevo

quanno nisciuno me vedevo

pe nun fa fa ‘e nummere

a chille ca senteva.

Luigi. fatto ‘e marmo 'un 'o senteva

‘o friddo ca sent’io.

Cu ‘a pace ‘e Ddio

ognuno penza ‘a soia,

ma ncoppo a chistu blocco

io proprio nun ce stongo a genio.

Stongo cu e spalle ‘o mare

addo io me jettavo

spisso cu tutte ‘e panne

o ‘ncristo annure…

Teneve paura

sule d’’e guardie

ca stevo sempe a sfottere

ca manco ’e figlie lloro

sapevano educà.

Mò chi ce ‘o ddice a chiste

ch’e vvote a me me guardano

comme a nu cammirriste.

Gioacchino Ruocco

17/09/019