Sape fa tutte cose...

Sape fa tutte cose,

ma po’ ‘e cummanne all’ate.

Nn’’a scanze maie nisciuno,

'a mamma, ‘o pate, ‘e frate

so’ ‘e primme a j’ pe sotto,

so’ ‘e ll’urdeme a scansarle

ca fa comme fa ‘o tarlo..

E’ meglio ca nun parlo...

E fuie ca ll’atu juorno

mentre steve dicenno…

ca essa me facette:

- M''a cirche na parola?

E io senza pensarce,

dicette: - E che ce vò ?

Ca me truvaie a correre

cu a, e, i, u, o.

E cerca ca te trovo

giraie cchiù ‘e nu libbro.

Te pare facile

avè ragione a chiacchiere.

cu chi ‘a sape longa ?

Chill’ato è quase uguale

chill’ato, comme ‘o solito,

ha quase cupiato

E chi t’’a conta justo ?

Pecchè ha sturiato ?

Fino c’aggio truvato

chello ch’essa cercava.

Addò ?  Dint’a nu libbro

ca nun teneva vita,

ma t’’a cuntava justa

cu tanta dignità.

Era nu libbro scurdato

c’aveva accatato

‘e siconda mano

a San Biagio

Nun aveva sfugliato

manco na pagena

chillo c’’o teneva.

M’’a scola chisto ce jeva ?

Ostia Lido       20/10/2012

Inserita nella raccolta “ TIPI “

di Gioacchino Ruocco