So’ mmuorto ‘e suonno

Parvenze del nuovo lungomare a Castellammare di Stabia

So’ mmuorto ‘e suonno

So’ mmuorto ‘e suonno,

comme a na pera cotta

o nu babà ca nun se regge allerta.

E pe che cose po’ ?

Pe sta cu ‘e recchie aperte

e sentì quanno rituorne.

Nun te preoccupà

ca torno ambressa.

‘A messa ‘e mezanotte

m’’a sento e torno.

‘A san Nicola

 ca so’ ciente passe.

Ma che me po’ succedere ?

Che te succede ?

E io che ne saccio,

manco si fosse Ddio

c’hadda sapè

per forza tutte cose.

Io nun me voglio ‘mpaccià,

ma vularria ‘a te

nu poco ‘e sciato ‘e cchiù.

Quann’ero io guaglione ?

L’anno ca io ero,

ereno ‘e ddiece ‘a sera

l’ora ‘e riturnà.

Si ‘un ‘a facevo ‘a tiempo

ave sunà ‘a porta,

truvarme a faccia ‘e patema

a dirmi: - Nun te ‘mporta

chello ca io te dico ?!

Turnavo cu n’amico

e nu putevo dicere:

-Me staie a fà fà tarde.

Allora quanno ‘o vide,

fatte n’ata via

pecchè ‘o juorno mio

è n’ora primma ‘e te.

Si tu te scite ‘e sei

pe me so’ ‘e cinche ‘mpunto.

Facelle pure a isso ‘o cunto

d’’a vita ca facc‘io.

Me metto appena a dorme

ca già me lavo ‘a faccio.

Pe me ‘a via è longa

e ancora nun ‘o saccio

quant’anne ‘a pozzo fà

cu l’asma ca me trovo

c’’o core ca nun scherza.

Tu si ‘o cchiù gruosso, sbrigate

ca me può dà na mano.

Chest’era ‘a vita mia

sempe cu nu penziero

‘e guaragnarme ‘o pane

danno na mano a patemo.

Nun era comme a ogge.

Mò è cagnata ‘a sciorta,

ma me va ancora storta.

Pecchè so’ ‘e figlie a dicere

chello ca vonno a me,

‘e nun sta sempe ‘ntridece.

Che tengo po’ a vedè ?

Ormaie s’o grussarielle.

‘O prmmo sidicianne

e quinnice ‘a siconda

Nun vonne cummannante,

ma cummannà sultanto.

Gioacchino Ruocco

01.01.017  Ostia Lido