Pazzianno pazzianno...

Pazzianno pazzianno

so’ passate già tant’anne.

‘Ma un ce scurdammo maie

ca sta vita è na pazzia,

pazza tu e pazzo io.

Cu na mano ‘int’a na mano

siammo ormaie

tantu luntano

ca ‘un se po’ turnà cchiù arreto.

Chesti ddete nun m’avasteno,

forse forse ‘e file ‘e pasta

ca me mangio quanna ‘a famma

addeventa  proprio tanta tanta tanta…

Quanno tutte’’e cummante

chi s’’a piglia e chi ‘un s’’a piaglia

s’accapigliano

nun fanno ate che parlà.

Mò che conto ‘ncopp’e dete ?

Tutt’’e prete ca te tiro ?

Guarde ccà che uocchie nire

ca m’’è  fatto !

Comme a gatta t’avvicina…

Comme a pullicino scappo.

Pare ‘o tappo c’’a butteglia.

N’atu ppoco sono a sveglia.

Faccio appena ‘ntiempo

c’‘a muniglia sta perdenno

miccia miccia ‘a forza soia.

Songo ‘e ddoie ‘e che me ‘mpiccio ?

Me rimetto dint’’o lietto

dint’’o cavero ca faie

e cu ‘a capa ‘ncopp’o pietto

comme fosse nu criature.

Me dumande: che vuò fà ?

Pazziammo n’atu ppoco

primma ca se stuta ‘o ffuoco

visto c’’a vrasera è miccia,

visto c’’a nuttata  è longa

e ancora tu me pugne

quanno vuò ‘a me qualcosa…

Fusse rosa, fusse spina

io aspetto ogne matina

ca te scite

pe nu vaso sapurito…

ca si no nun sto cuieta

comme a na palomma ‘e notte

sempe attuorno tu me staie

tutt’’o riesto nun sia maie…

13.11.019 Odtia Lido  h 07,06