Quanno me sceto…

Quanno me sceto…

Quanno me sceto,

ca spisso ‘int’a nuttata me succede,

primmo ‘e mettere

nu pede pe terra

te penzo e sento ‘ncuorpo

‘a voglia ‘e stà cu te,

a guerra attuorno

comme ‘ancora succede

ormaie d’‘e primme juorne.

Te voglio bbene,

ma tu ca nun vuò perdere

me faie ardere

comme a nu cippo

ca nun se fa brucià

d’’a freva toia.

Anema ‘e tutt’’e muorte ‘mparaviso

me salvo

ca nascette cu ‘a cammisa

e tengo na passione ‘e vulé bbene

a chi nun me vò bbene

e me vò accide.

Si nun ce cride,

‘un è capito niente

e rieste ancora e sempe indifferente

quann’io campo

pe fatte mie

ma pure ‘e tuie

ca po’ me trovo ‘ncuollo.

M’’è miso a muollo

e ce stongo ‘a quanno

tenevo quinnice anne.

Famme ‘o piacere,

a me ca so’ sincero,

si me vuò bbene,

si no lasseme stà

si nun è overo.

‘O riesto m’’o faccio a modo mio,

tanto si ttu ca cride a Ddio

mentr’io penzo a Maria

c’’o mettette a munno

e a tutte ‘e sufferenze ca patette

pe nun ‘o fà fà fà

‘a fine ca facette.

Gioacchino Ruocco

17.11.019            Ostia Lido