Liquami nel Sarno...

 

Quann'ero guaglinciello m''o bevevo/

l'acqua d''o Sarno chiara e limpida comm'era ./

Mò nun è bbuono manco a lavà 'e piere./

Chesta nun è acqua é nu veleno. /

'C''a mmerda 'e vacca può cuncimà 'o terreno,/

ma st'acqua manco 'o cesso 'a va truvanno. /

Guarde sti ppiante! /

'o sole 'e fà cuntente/

mmentre 'o sciummo ca scorre/

l'accide comme a niente./

Cà ce vulesse 'o tuosseche p''e surece/

pe sti quatte fetiente/

ca stamme sempe 'a cape a dudece/

e 'o tridece t''o scuorde. /

Sta vita é chiena 'e pimmece/

'e zeccole, 'e mariuole /

ca chine 'e puparuole/

campane facenno 'e cazze lloro! /

Ma quanno more/

chesta razza 'e ggente ?/

E nuie asuppurtà senza fa niente/

'e positvo!/

'A rragia nosta/

é sulo nu currivo/

ca dà cchiù forza a tutte sti fetiente/

senza ca le succede niente, maie niente. -

Gioacchino Ruocco 14/08/2020 ore 21,43 - Gioacchino Ruocco