A na cert’ora ‘e juorno

C.mare di stabia - Lgo Fusco

A na cert’ora ‘e juorno

A na cert’ora ‘e juorno

me pare che s’addorma

a via sana.

Attuorno è nu papagno

ca doce doce porta

‘o suonno a tutte quanto.

Ma nu ninnillo chiagne

e ‘o cane nun se sparagne

‘e sta ancora allerta.

Me dice mamma:-

Forse è nu ricordo.

‘A ggente nun so’ scordo

‘o sunno quante è ddoce

ma si’o rummore manca

pere ca ‘un t’arrepuoso

pure si puose ‘a capa

‘ncopp’’o cuscino

e ‘o giro ogne tanto

pe ritruvà ‘o frisco.

Pure ‘e lenzole

c'addoreno ‘e culata

t’’e lieve ‘a cuolle

c’’o cavero è cucente.

Si miette ‘a recchia ‘a via

chell’anema ‘nnucente

s’é addermuta

e a poco a poco

s’inchiureno

pure ll’uocchie mie.

Forse cercanno a Ddio,

forse cercanno a te

che t’è girata ‘e spalle

stanca ‘e me sentì

ca nun me sto maie zitto.

Gioacchino Ruocco

25.04.018   Ostia Lido