‘A Siria ormaie…

‘A Siria ormaie….

‘A Siria ormaie è nu presepio’e muorte!

Tanto lontano, ma a nuie che ce ne ‘mporta ?

‘O Credo ddice ca ce songo frate,

ca nun so chille ca nuie chiammamme ll’ate.

‘E muorte ‘e chi t’’è mmuorte nun so’ lloro,

ma songo chille ca cu na scusa ‘o nata

stanno cercanno ‘e fa chello ca vonno

sfuttenno ‘o munno sano cu na bomba.

Pareno abbasci’ o vico Peppe e Tore.

Si uno dice…a ll’ato nun va bbuono

e so mazzate ‘a quanno criture

‘o pate ’e pigliava a tozza muro.

Ma chi ce ‘o ddice ca nun so’ ‘e patrune

si sotto casa avimmo perzo a guerra ?

Ormaie cammenammo muro muro

pe stà sicure e riturnà a casa !

Ma quanno nu criature trase ‘a fore

guardelo deritto dint’a ll’uocchie

e dimme che ce vire: ‘o figlio ‘e ndrocchie

oppure ‘o figlio tuio ca s’addenocchia ?

Basta n’asciuta pe turnà cagnato.

Nu spara spar o na sicarretta

se vede subbeto quanno s’asseta

comme te guarda ‘nfaccia  a uocchie apierte.

Gioacchino Ruocco

Ostia Lido    19.04.018