‘A squasera

Che brutto juoco faie quanno raccunte

‘e fatte nuoste a chi ‘nn haddà sapé,

ca po’ qualcuno sparla 'e me cuffea

pure si nun ave niente ‘a fà cu mme.

‘E fatte mie songo fatte tuoie

si stamme ‘nzieme  e te faccio sapè

chello ca faccio e comme ‘a penzo

sultanto all’occorremzo e si ‘o voglio.

No pe me fa mettere ‘int’’e mbruoglio

d’’a ggente c’arriva sulo pe ncuità.

Chi vo na cosa e chi ne cerca n’ata

manco si fosse nu terno affuggiata.

E nun te dico ‘o riesto ca succede.

M’’a piglio, no pecchè è raccontato

ca stamme ‘nziemo, ormaie songo tant’anne,

ma pe chello ca faccio e ca te voglio

ca ce sta ggente ca fa nu sacco ‘e mbroglie,

pure pariente, ma nun dice niente

ca ‘un s’avanta  pe nun se ‘ncuità,

se scanzano pe nun ‘o ddà ‘a vedè.

E invece no. Me faie fa 'a figura

‘e chi nun vo parlà de fatte suie.

'E chi se vo tenè ‘e cicere pe isso

ca so sultante chiacchiere ‘e mie

ca songo chello ca nun po’ essere.

Mettere ‘e manifeste ll’arte nun è

‘a mia. Te voglio bbene e 'o ssaie,

ma nun ‘o ji dicenno, c’’a gente

ca nun vo’ sentere  ca io so’ meglio

senza fa niente ‘e troppo ‘e chello ca

lloro fanno si doppo n’anno stanno

ancora ‘o stesso punto ‘e primmo.

Nun fa ‘a squasera ca chi te sta a sentì

nun le piace. Dicene si, ma po’ songo

capace ‘e te fa ll’uocchie sicche pure

si nun ce cride e te daie pace.

‘A mmiria ‘e ll’ate è na brutta cosa.

Na malatia ca nun da pace a chi

nun vo’ capì ‘a vita ca facimmo,

ca nun le basta niente pe campà.

Ca nuie ce ‘o faticammo comme a lloro

E che ce ‘o stammo attiente e nn ‘o sprecammo.

Nu iuorno a chesta ggente nun le basta

chello ca nuie spenninno tutte l’anno.

Te piace ‘e squasià e so’ cuntento,

m’a ll’ate falle ‘e spese si no siente

‘o juorno doppo che vanno dicenne.

C’a squasià so tutte quante bbuono.

Ca tiene ‘a vocca sule pe parlà.

Oppure fatte sule ‘e fatte tuie

e nun ‘o ddà a vedè ca si cuntenta

ca stamme bbuono nzieme io e te.

Dille ca so appiche tutte ‘e juorne

ca nun ce ‘a faie cchiù ‘a me suppurtà.

Chiudimme ‘a porta e songo fatte nuoste

ca lloro fore stessero a schiattà.

Gioacchino Ruocco

Ostia Lido         05/02/2013

Inserita nella raccolta “ Tipi…