San Valentino

Tu si’ na ‘nfame,

ca m’arrecette ‘a vita.

Cu tutte sti pietanze sapurite

‘o grasso st’arrevanne

fino ‘o core.

E quanno po’ so’ mmuorto

tu che faie

ca nun si giovene

e rieste ‘nmiez’’e guaie

senza na penzione

pe campà ?

San Valenrtino !

Te l’aggio fatto

si o no ‘o regalino ?

Cu ’e modo ca io tengo

'a ggente po’ penzà

chello ca vo’,

ma quanno ‘a sera

ca te piglio ‘e pietto

te ruocele

int’’e mmane.

Ato c’ammore scritto int’’e poesia,

ca stamme a fà ll’ammore

‘a na semmana.

Si tutte ‘a vita mia

e me vuo’ bbene,

‘o riesto

chello ca ne vene vene.

Gioacchino Ruocco

Ostia Lido       15/02/2013

Inserita nella raccolta "Tipi... ma guarda che tipi"