Che male po’ fa ?

coeur-a-la-creme

dal blog "Il gusto dei ricordi"*

Che core ca tiene !

Me faie sulo mpazzì.

E dice ch’è ammore

ca meglio nun c’è.

E me lasse e me piglie,

rituorne e riparte

ma chesta me pare

cchiù ll’arte

‘e chi tene sultanto

na voglia ‘e pazzià,

‘e chi ancora nun sape

che parte hadda fà.

Si screvisse

tutt’’e ccos ca dice

manco n’amico

te stesse a penzà

e invece m’assette

e me mange

tutt’’a pasta ca faie

‘e pastiere, ‘e ‘nzalate

‘e dolce salate

‘o ppane ch’’e nnoce,

ma stu dolce ch’è fatto

nun m’ha fatto

nemmeno assaggià.

L’haie miso  subbeto

dint’ a credenza

pe farme sperì

o per farlo assaggià

a quaccun’ato ?

‘E femmene valle a  capì.

Me vuo bbene ?

E allora na nticchia

ca male nun fa.

Primma ca nun è cchiù bbuono,

fammello assaggià.

Gioacchino Ruocco

Ostia Lido 21/02/2013 h 08.30


Nota: la ricetta è pubblicata su l blog "Il gusto dei ricordi"