Chillo ‘o fatto é niro o janco…

Immigrati a Castellammare di Stabia: 

una questione che divide la città.

+++++++++++++++++++++++++++++++++++++++++++++++++++++++++++

Chillo ‘o fatto é niro o janco…

Paisà, mettite a vevere ,

c’arrivano ‘e guagliune.
Nun è questione ‘e paste !

‘e zite o ‘e vermicielle,

patane scurate,

’nzalate’e pummarole.
A nuie ll'acqua nun ce manca...!

Nu poco ‘e broro,

quatte cannaruncielle

e doppo e doppo ancora

sarrà nu triatiello.

‘A solita quistione

si tocca a chi é scassato

‘e purtà ‘a croce ‘ncuollo.

Lasciarle ‘e piere a muollo ?

Chistu fatto o niro o janco

si è tuccato a nuie ca stanche

simmo ‘e tanta quistione

simmo parte ‘e na famiglia

addò sta sempe

chi se piglia ‘e guaie ‘e lla’te

o so’ frate o nun so’ frate.

Nun haie tiempo ‘e tirà ‘o sciato

ca t’arriva ‘a sfugliatella ?

E si fanno chesta o chella

sempe tosta è chella overa

.

Ce vedimmo a pummarola !

Ma che parle ancora ‘e Cirio ?

So tant’anne ca ‘un ce stà.

Chillo ‘o fatto è janco o niro!

Chi t’’ha fatta sta ‘mmasciata ?

Ch’’e mettimme int’’e buatte ?

‘E pesielle ? Manche chille!

Ce sta sempe qualche d’uno

ca se scipparrà ‘e capille

e qualc’ato ca farrà

tanti solde a mille a mille.

Gioacchino Ruocco

09.05.017            Ostia Lido


************************