Tu duorme...

Ercolano - calco di persona colpita dalla lava 

Tu duorme, ma io nun tengo suonno

e guardo a te ca gire e te riggire

mentre duorme.

N’anema si rimasta ca respire

ma dint’’o suonno

nun tiene cchiu pacienzia

‘e quanno staie scetate.

E’ arrevutato ‘o lietto sano sane.

‘a capo a pere e po’ ‘a pere a capo

camme si nun truvasso ‘o capo

‘e chello ca te suonno

o forse proprio ‘o suonno canun truovo.

Ma tu che faie duormo

o campe n’ata vita ?

Pur’io ‘e vvote

vaco cercanno ‘o ffrisco d’’o cuscino

o a te ca staie vivino

pe me truvà nu suonno cchiuù cuieto,

pe me scanzà d’’e prete pure a notte

o chi me corre appriesso

e nun capisco ‘a me che va truvanno.

E’ n’anno ormaie ca me secute

mentre tu duorme

e nun me cunte maie ‘e suonne ca te faie?

‘E vvote prove a stregnerte na mane

pe fa passà ‘a nuttata cchiù tranquilla

mentre tu duormo e io sulo sulo

comme a nu peccerillo

astregno ll’uocchie e spero e m’addurmì.

Ostia Lido     07/11/2012      11.30  

Gioacchino Ruocco
La poesia è inserita nella raccolta “Suspire ‘e miezo juorno”

Pubblicata su “Gentedistabia.blogspot.com”