Ll’amicizia...

SALAD'ATTESA.POESIE RG

Poesie

domenica 14 febbraio 2016

Ll’amicizia...

Chest’amicizia ca me daie e te piglia

fino a mò nun è fatto 'nu figlio,

chella cumpiacenza

ca cu nu poco ‘e decenza

ce putessemo  raccuntà

chello ca overamente simmo.

M’ha chiesto ll’amicizia

e t’aggia data,

ma mò a che serve

si faie 'a supirchiosa

pecchè ne tiene a iosa,

a centenare

e scrive fessarie e te ne vante

ca si te dico che vò dì, dimmello

me stongo già a sceppà tutte ‘e capille

ca t’aggi fatte fa figure ‘e mmerda.

Cu ‘a mmerda se cuncimma,

ma nuie parimme

na massa ‘e matte

cu tutte ‘e fessarie ca dicimme

ca manco a ‘o manicomio

ce stà ‘o posto.

E nun 'o ddico apposto

pe qualche tuorto c’aggio suppurtato.

E tu c’aize ‘o rito, tu che vuò ?

Tenisse ‘a cora ‘e paglia ?

E’ meglio ca t’’a squaglie.

Si tu te faie girà ‘e cerevelle

‘n ‘e stennere sti frenzele !

M’è fatto passà ‘a voglia ‘e jì giranno.

si veco ll’ati panne comme ‘e tuie
me vene comme a quanno... ma che dico?

Quanno jevo a scola  ero n’aulunno e basta.

Si me cucino nu piatto ‘e pasta

nun so’ nu cuoco e manco casadduoglio.

Chiarimmele sti ‘mbruoglie,

ca n’amicizia accussì

a me nun è cchiù nicessaria.

‘E fatte tuie ‘nn ‘e voglio cchiù sapè,

pecchè nun resto sulo senza ‘e te

ne trovo per lo meno n’ati trentatre.

Gioacchino Ruocco

Nota.

Dedicata a chi mi ha dato amicizia 

o mi ha chiesto amicizia in tutti questi anni.

Ho perso un sacco di amici

che erano curiosi soltanto di capire 

com'ero  fatto.

Quando la vita ci ha distratti

non ci siamo più ritrovati.

Quando li cerco

qualcuno aveva perso addirittura 

memoria di me.