Raffaele Viviani

Raffaele Viviani alle sue spalle il busto di Luigi Denza

Ogne vota ca torno a stu paese

ce faccio ‘e spese

e ce porto ‘o mio,

ma comme si facesse tuorto a Dio

chi guarde stuorto

e chi me va cuffianno.

Me so stancato, v'‘o ddico apertamente!

Tenitevello pure

cu chello ch'è rimasto.

Facitece ‘o triato ca vulite,

ma nun ve lamentate:

levateve ‘o prurito.

Cagnatavella ‘a maglia ogne tanto,

cagnateve ‘e mutante.

Penzate pe dimane.

‘O pane ca facite è sapurite

e tarallucce pure

e ll’acqua na delizia.

Aggio parlà  d’’o paese mio

comme a n’estraneo

comme nun fosse Dio.

E cu na mano annante e n’ata arreto

me tocca ‘e sta cuieto

si no nun torno arreto

‘a puorto Salvo cu l’osse sane 

e ‘a fantasia ‘e turnà

pe ritruvà na zia,

nu frate,nu parente ca nun scrive
maie, risulta sempe assente,

n’amico ch’è rientrato.

Ve guardo mmiez’a villa addulurato.

Parite n’atu santo

ca prutegge stu paese.

L’unico che canta è don Luigi

nu jamma, jammo, jammo

e  ‘ncopp’o se ne va

fino a Faito p’avè n’idea diversa

'e vita ch’isso tene 

‘e chello ca succede.

Guardà il tutto e renderlo innocente

pecchè ‘a luntano

tutto è diversamente.

‘O malamente pare pur’isso buono

e ‘o buono è buono,

nu caramellato.

Se fottono ogne cose ma ‘e lamiente

lassù, ‘ncoppo Faito
nun so' maie arrevato. 

Chi scrive ca ‘e ccose ca nun vanno

nun m’è parente

e sta vicino a chille.

ca fanno marennelle e spartemiente.

Nuie simme artiste

e penzammo a ato.

E don Rafele quase se ribbella,

ca don Luigi è matto.

Ma chi ha sunato ?

Chisto ce sta pe starce mmiez’a Villa

ma ogne ghiurno piglia

e se ne va, Funiculì funiculà.

E cu Michele Esposito che faccio ?

Nun ce guardammo ‘nfaccio

nun saccio a quanto.

‘A quanno sto ca ‘ncoppo sento e sento

ma so’ na statua

nun pozzo fà cchiù niente.

Primmo screvevo e recitavo ‘a vita

 ‘a gente me senteva,

qualcuno me capeva.

‘A quanno sto ccà miezo l’unico

gulio è chillo ’e ritiurnà

arreto, ‘o tiempo mio,

comme facette patemo quanno

io ero guaglione

e ancora nu stucchione,

ma ringrazianno  a Ddio

truvaie nu sillabario

ca fuie ‘a furtuna mia.

Gioacchino Ruocco

29.10.016               Ostia Lido