Ridateci la VILLA -/- Tutti a casa +++++

Ma mò addò jammo?

Te n’aggio date vase ‘mmiez’a villa,

ma mò addò jammo?

T’accarezzavo primma sti capille

ca parene fatte ‘e seta fine.

Accummiciaje ch’ero piccerillo.

‘O primmo t’arrubbaie doppo ‘o gelato

nnanzo ‘o Muntillo

e n’ato  ‘ncopp’o muolo, quase a mare,

perdennemo dint’a l’uocchie tuie lampare

facenno comme fanno ‘e farenelle.

Ire ‘a cchiù bella, facive stravedè

e io stravedette appriesso a te

e ‘un te lascjie ‘e pere nu minuto

mò cu na scusa e mò pe n’ata cosa.

E cu doje lire t’accattaje na rosa

ca n’atu poco ascive ‘nfantasia.

Ma mò addò jammo

c’’a villa è addeventata

sulo na fantasia

e ‘o mare cchiù malato ‘e pecundria ?

Gioacchino Ruocco

Ostia Lido           18.01.016 h 18,30

Dedicata a....

 

Luca Fiore                18 ottobre 15:09:15                                                          dell'Ass. Culturale MYO