‘E muorte ‘e chi t’’è mmuorte

‘E muorte ‘e chi t’’è mmuorte

nun so’ d’’e mie.

‘A me vonno sultanto

chillu lumino

ca mette ‘copp’’o fuosso

quanno nun ce può ghjì.

So’ muorte tuie

ca nun me so’ ghjiuto a genio

maie e po’ maie

comme nun ghjevo io a ggenio a lloro.

Na parentela,

comme c’’a ggente ‘e fore,

ca nun ce stata maie

ne da parte lloro

e ne d’’a parta mia

pure quanno facevo

‘o duvero mio

ca me chiedivo ‘e fà

primmo ‘e Jì da lloro.

Teneveno ‘o tesoro ?

Nun ‘o saccio.

‘A puzza sott’’o naso

certamente

comme a tutta

chella ggente  ca

quanno hanno fatto

‘e fatte lloro

nun le ne ‘mporte niente

si uno campa ancora

cu ‘e stentine ‘a fora.

Nun saccio che vò dì.

Si nun se more

che me ne mporta

a me addò ‘e tengo,

basta can un danno

maie fastidie

quanno so vacante

ca è meglio sta diuno

a facci e tutte chille

ca danne e danne

e po’ nun danno niente

e stanno a rusecà

jurnata sane

comme a chi tene

‘o male ‘e diente

e invece stà

a mangià pe fatte suie

can un le manca niente.

Gioacchino Ruocco

02.06.2020 Ostia Lido