Dimane sai che faccio ?

(‘O cunto ‘e ll’uovo)

Dimane sai che faccio ?

Doppo lavata 'e faccia

piglio e me n'aesco ‘a dint’’a casa

 cu sta capa fresca ca me trovo

me metto 'a 'ncasà 'e chiouve

dint'e mure

ca stanno ancora là.

Può stare sicuro

c''o facci' overamente

pe quanto é vero 'o munno.

Tutte so' tunne

quanno parleno 'e lloro

e sanno 'o tesoro addò se trovo

ma po' quanno hanno fà

a primma mossa

 vanno cercanno attuorno

cu na scusa

chi sape overamente

comme fà.

Dicette chille,

ca nun teneva chiù capille 'ncapa :

- e già io mò t''o spiego a te

e io comme faccio

quanno l'haie truvato pure tu?

Io già m'aggio mangiato

a ppoco a 'ppoco/

si no comm' appicciavo/

'o ffuoco tutt''e juorne .

Ma che me guarde a fà

cu st'uocchie triste ?

Attuorno ce ne stanno

ll'ati ciento,

forse mille.

Sceppete 'e capille pure tu.

Quanno nun tiene cchiù

forse 'o truovo.

Basta ca te piglie

n'uovo ogne matina,

si tiene 'a gallina che t''o fà.

pecchè cu n'uovo campe.

Te tene cumpagnia

e nun te fà 'mmuscià,

ca si t'ammuscie

nun c'é cchiu niente 'a fà. –

Gioacchino Ruocco

03.06.2020

A sergio Mascitti

Un saluto per essermi venuto ancora a cercare. sono le 08,42.

Gioacchino Ruocco