Si quanno vene ll’ora

io me ne more

come si fosse ancora

‘o suonno mio,

nun me scetate,

ca ‘o chianto vuosto

si ve vene a chiagnere

me mette pecundria

ca quann’uno more

doppo  se ne o jì

sulo p’’e fatte suie

senza ‘o rimpianto

‘e chi le steva attuorno.

Ormai sapimmo

‘e che simmo fatto

pure si nun ‘o vuo capì.

Sarrà ch’ero distratto

ca ‘un t’aggi ditto, oj ni.

Penzavo c’’o capivo

senza fa sta tragedia

‘A vita resta na cosa seria

pure si vene ‘a morta a s’’a piglià.

Io m’’o sentevo ìncuollo

pure si ‘a capa ‘un me faceva male

‘O saie comme so fatto

facevo finta ‘e leggere ‘o giurnale

e si chiagnevo

era p’’e nutizie ca liggevo

e no ca te lasciavo

a nu mumento.

14.06.2020 Ostia Lido h 21.00