Si chesta fosse ‘a vita…

Si chesta fosse ‘a vita

io me ne jesse a mare tutt’’e juorno

e ce restasse comme già facette.

Aggio cagnata ‘a vita

gia parecchie vote

m’io nun trovo ancora ‘c’aggià fa

si ‘o marenare o na gente ‘e terra

addò se pote,  addo se zappa

e tiene sempe ‘a fa

nu juiono pecché chiove,

n’ato pe zappà

n’ato pe raccogliere

chello ca dà a campà

e n’ato ancora

pe te guardà ‘nt’a ll’uocchie

pe nun ave carocchie

quanno nun m’aspetto.

Me tremmeno ‘e denocchie

quanno so’ stanco

e tengo ‘a faccia janca comm’’e muorte

si me va stuorto chello ca penzo e voglio.

Nun voglio ggente attuorno ca fa mbruoglie

e femmene ca fanno ‘e fattucchiare

ca si a me vuò ll’uoglio te do ll’uoglio

chello ca temgo ‘e meglio.

Pe m’aizà io nun metto ‘a sveglia

ca veglio mentre duorme

pure si staie vicino ‘o sciato mio.

Me raccumanno a Ddio

ch’è assaie meglio

‘e tanti maste ‘e festa.

‘O juorno ca nun tengo niente ‘a fà

stongo a fenesta.

Te guardo mentre faie ‘e ccose toie

Ma mentre guardo e te tengo mente

io m’arricorde d’’e mumento doce

scurdanneme quanto si ‘ndisponente

Pienze ca te cumanno,

ma pienze malamente.

Cuntinuo a te guardà

cu ll’anemo ca sento

vivo dint’’o pietto

ca si t’acchiappo a taglio

voglio capì che siente

quanno m’arravoglio ‘nziem’’a te

sempe cchiù chino ‘e crema

comme te piace overamente.

Ruocco Gioacchino

Ostia Lido            14.06.2020  h 14.30