Si vuò fa ‘a vita…

Si vuò fa ‘a vita,

vattenne ‘a ‘int’a sta casa.

‘O scuorno ‘nfaccia

niscuno maie m’ha miso .

Io  tengo una faccia e una cammisa,

nisciuno maje me l’ha spurcata ancora.

Quann’esco ‘e casa

‘a ggente ca me guarda

m’adda guardà

e m’adda fa felice

pe tutt’’o bbene

ca me porto appriesso

c’aggio campato sempe onesto e illuso

c’’o bbene nun è chello c’uno tene

ma chello ca po’ fa felice all’ate

ca ‘a dint’’o core leva tutt’’e ppene

e fa stà bbuono quanno si 'nnammurato.

Lascialo perde a chi te dice

c’’a vita ‘e stiente

nun fa maje felice.

Tu me sì figlia

e tu m’ja stà a sentì

ca nun te voglio perdere accussì

facenno a Culumbrina

ca lassa e piglia

uno ogne mumento.

‘O tiene o nun ‘o tiene ‘o sentimento ?

‘O ssaie o nun ‘o ssaje che d’è ll’ammore ?

‘O core tujo c’addeventarrà ?

Na casa ‘e appuntamento

addò aspiette ogne minuto nu cliente?

Gioacchino Ruocco

Ostia Lido                       2016/01/17