Guarda che cielo! di Gioacchino Ruocco

  

Guarda che cielo!

Chisto me fa ‘mpazzì!

Stasera va a fernì

ca nun me cocco

fino a ca nun tramonta

sta pazzia.

Stongo luntano

ma sta vita mia m’’a passa

facennemo duie passe

‘int’’e ricorde

pecchè

io nun me scordo ‘e te

ca quanno te trovo

‘e notte o ‘e juorno

t’acchio ‘mbraccio

e tutte’’e vase

ca riesco a darte.

Guarde che cielo.

Chesta nun è arte

è ‘o paraviso ‘nterra

ca io me sento ‘ncuollo

e dint’a

ogne surriso

ca me nasce

‘ncopp’a faccia.

Tanta ca me sento

‘a voglia

‘e t’acchiappa,

pe te straccia

pe te magnà

comme a nu muorzo ‘e pane

chieno ‘e bbene ‘e ddio.

Tu si ll’anema mia.

comme a stu cielo

ca ma’rrecrea  ll’anema

ma nun me mette ‘ncuollo

‘o ggelo

d’’a nustalgia ca sento

quanno m’’o tengo mente,

cu tte affianco a me

e un ‘a fernesce maie eternamente.

Gioacchino Ruocco

Ostia Lido 27.01.2020