Te dico na cosa.....

Te dico na cosa

e ne capisce n’ata,

comme si fatta

nun ‘o capisco cchiù.

Me guarde

e te veco distratta

si fusse na jatta

‘ e surece cu te

farriano festa.

Chi ‘o sa quanno te passa

sta ‘ntrunatura ‘e capa.

Chi sa che r’è

ca t’’a pigliata.

Na malatia certa nun è

nun è delore’e capa.

Qualche ‘mmasciata storta

t’è arrevata.

Parlammeno

c’almeno saccio ‘e che…

Te gira ‘a capa.

Qualche penziero

can un m’è raccuntata.

Na tassa ‘a pavà

che c’è arrevata.

Na simpatia

ca te dà fastido

eppure stamme sempe core a core

Certe quann’iesce fore

Sarrà ca ‘un esco cchiù

allora ognuno ‘e n’ato

fa qualche penziero,

ma nun so stato maie

nu furastiero

dint’’a casa mia,

’a casa nosta.

Si tengo ‘a faccia tosta

che vuò ‘a me

almeno m’accuntento ‘e fa vedè

ch’esisto ancora

e ‘o core, comme ogne core

va truvanno ‘o suie

pure cu ‘a fantasia

nun se more.

Si ‘ncapa

io me faccio nu triato

te chiedo scusa,

ma ‘un saccio proprio c’aggia fa

all’età mia.

A ll’età toia

nun ce so’ arrivato

forse nun ce arrivarraggio maie

‘O guaio sarrà chisto,

o forse ca nuie ammo campato

uno luntano ‘a n’ato p’’a fatica

ca quase quase ‘e nuie

ce hammo scurdato

‘o piecco e ‘o miecco,

comm’eremo già fatto

ca pe ce apparà ce ne vulette e comme.

Che vuò ascì ?

S’è sgunfiato ‘a gomma

e p’’a cagnà ce vò nu poco ‘e tiempo.

Si tiene ‘o tiempo aspiette

si no fatte venì a piglià ‘a chi t’spetta

e uyn ce ‘a fa a spettà.

Gioacchino Ruocco

23.03.2020 Ostia Lido