Isso…
Isso fa sempe
chello che cazzo penza.
Isso ma chi ?
Ma chi è chisto ?
Pienze na vota sola,
ma cu ‘a capa toia.
‘A capa ‘e ll’ate
se chiamma comme vuò
nnun m’interessa
o sulo quanno
vo dà nu cumanno.
Che me ne ìmporta
ca è pigliato ‘o terno.
‘E solde nun me serveno
ogni ghiuorno.
Quanno facette ll’uommene
Ddio se sbagljaie
pe chesto tante ‘e chiste
mo se crereno
chello ca nun songo
pe quatte solde
c’hanno miso assieme.
Ddio vulevo n’ommo
ca se sentesso Ddio
e amasse tutte quante
quann’Isso nun puteva
stà appriesso ‘e fatte nuoste
p’ogne necessità.
Pe chesto mò ce stanno
tanta quaquaraqua
‘a quanno Adamo
pe nu malinteso
pavaie pur’isso ‘e spese
ch’Eva aveva fatte..
‘O sfratto, ‘e figlie
e tutte ‘e ‘nfamità
c’appriesso po’ facettero
cagnà ‘a ciorta nosta,
‘e tanta facce toste
ca vonno cummannà.
Se crereno…
ma songo ‘e si’ nisciune..
Forse qualcheduno se salva,
‘o riesto nun so’ niente
o si ancora ‘nziste
na maneca ‘e fetiente…
Forse pur’io me sbaglio,
ma quanno veco ‘o ciuccio
CU ISSO NUN ARRAGLIO.
Gioacchino Ruocco
10.07.018 Ostia Lido
Al Caro Vincenzo Di Martino
ma per alcuni che frequentano il bar
per un momento di riflessione....
Dove tutto è permesso,
il tutto non vale niente.
Nessun commento:
Posta un commento