Si mò se mette a chiovere…

‘O cane sta ‘bbaianno

‘a quanno s’è scetato.

Tutt’a nuttata

nun ha fatto ato

ca se lamentà.

‘O tiempo è truculo,

nun sape c’adda fa.

Si mò se mette a chiovere

chi sa quant’acqua vene.

E’ na semmana ca tene,

ch’’e nuvule s’ammassano

comme a matasse ‘e lana

dint’a na cesta

ca nun te funno.

Pe quanto è gruoso ‘o munno

stu muorzo ‘e cielo pare

comme a nu pagliaro

ca sta pe piglià fuoco

tante so’ ‘e lampe ‘ncielo

e tante songo ‘ e truone

ca metteno paura.

Na jatta muro muro

sta guadagnanno ‘a casa

‘a do’ aiesce e trase

quanno vo’ essa

taanto ‘a patrona ‘o stesso

pe nun se ‘nfonnere

fa comme a essa

e muro muro

torna ‘o sicuro

pe nu mastrillo

ca nun teneva a casa

e pe na scarda ‘e caso

ca si nn’attira ‘o sorece

doppo s’’a po’ magnà.

Giuvanne ca fatica

torne sultanto a sera

e vvote cu na cera

ch’è meglio nun parlà

tanta ‘a mugliera

sape chello ca vò,

‘o sape accuntentà.

Ostia Lido,            30 sett. 2012

E' inserita nella raccolta "TIPI"

presente in questo blog