Na culata e quanno asciutta ?
Na fenesta e c'aria trase ?
Stanne sempe nchiuse ' ll'astre
e nun serveno cchiù all'uso
pe cagnà ll'aria int''a casa!
A chi serveno sti ccase ?
Hanno fatto nu sparagno
c''a salute s'ha pigliato!
Maie na faccia,
maie nu strillo,
maie nu nomme ncopp'e pporte
e si aspietto a qualcheduno
ca se leva 'a dinto lietto
pe se fa duie passe fore
po' passà n'eternità.
E' a stà attiento quanno aiesce.
Int'a curva, ccà, se more
quanno arrivano 'a Puzzano
facenno nu remmore
ca te fa tremmà 'o core.
Quanno 'e sicche 'e mulignane ?
Addò appienne nu cardillo ?
E si truove chi s'accatta
nun te fà scappà l'affare
stu palazzo vennatillo.
Gioacchino Ruocco
07/07/2014
Inserita nella raccolta " Ce steva na vota..."
.
Nessun commento:
Posta un commento