Insonnia

S’è fatto juorno ma sto sulo e amaro

senza na cumpagnia pe parlà.

Muglierema è partuta e sta luntana.

A chest’ora a chi pozzo ncuità !

Dormeno int’e liette a suonno chino

ca fanno tardo a sera a suspirà.

Sul’io me sceto ambressa ogne matina

ca m’addormo a sera comme a na preta,

stanco ‘e tutta na jurnata a faticà

pe dà aurienzia a chillo ca nun ponno

o ca nun vonno movere nu dito

ca nun sanno ‘a vita c’hanna fà.

E allora giro 'a na stanza a n’ata

comme si stesso a farme ‘a cammenata

c’’o solito facimmo tutt’’e vote

c’’a te te gira e a me tengo na rota

ca se sgonfia comme a nu dispietto.

Ritorno dinto ‘o lietto e cerco ‘o suonno,

ma si te sonno me ne cacce ‘a tuorno

e suonne suonne ma nun saccio che.

Allonga ‘a mano pure si ‘o saccio

ca nun te trovo, ma che vuò che faccio ?

Dint’a stu lietto vacante pe mità

songo rimasto sulo, c’aggia fa ?

T’aspetto, tanto tuorne a ffine ‘e mese.

Me sose ancora e me lavo ‘a faccia

ma dint’’o specchio so comme a nu straccio

me guardo e nun capisco si songo io.

Ma na cechia ‘e suonno nonostante

me leva ‘a nante ‘o specchio ch’è scucciante.

Me guarde e rire: - Mò l’è a parià

tutte ‘e turmiente ca le staie a dà.

Gioacchino Ruocco

Ostia Lido,            10 luglio 2013-07-10