'A chiesa d''o Gesù

'A chiesa d''o Gesù.

Chesta é 'a campana d''o Gesù ca sona

comme a na voce 'e mamma

ca chiamme 'e figlie a sera.

Mò che 'o mese 'e giugno

è chiena 'e giglie 'a cchiesa.

'O parrucchiano

sempe cchiù sicco e viecchio

s’’o leva 'a vocca

pe fa bbene all'ate.

P''a benerezione

'e mmane soie

me pare ca s'allongano

fino a porta

p'astregnere tutte quante

cu ll'ostia santa

c"o core 'e Gesu Cristo,

‘o Cristo ca chiamme

quanno nun po fa niente

p''a ggente

cchiù disperata 'e isso.

Si ride nun é pe cuntentezza.

Pur'isso a ret''o culo

porta 'e pezze.

Tene nun core tante

e nun l'avaste,

ma te cuntaggia

e te da cchiù speranza.

C.mare di Stabia 1961