Si nun me vuò vedè...

Si nun me vuò vedè

Si nun me vuò vedè

tu nun me vide.

Addò te gire gire

io nun ce stongo.

Si un t’appartengo

e nun ce cride

pozzo strillà

fino a ca sta voce

fa nu giro sano

tu nun me siente

pecchè ‘o viento

se n’’a porte ‘ngiro.

Truove sempe na scusa

o annascuso te ne staie.

Nunvò sentì

pecchè ‘o munno è ‘nfame

e mamma ‘o ppane

a chi nun tene ‘e diente.

e io si va buone, nun fa niente

ma ‘o juorno doppo è ‘o stesso.

E si te corro appriesso

curre cchiù ‘e me

ca te voglio bbene

ch’’ pe ne nun ne vò sentì.

Eppure ‘o saie ca nu juorno vene

chello ca nun vuò capì.

Che faie tanno ?

Muore e ‘un te n’adduono ?

Me pare ‘o frate mio

cchiù piccerillo

quanno me sceppava ‘e capillw

diceva ca m’accatezzava.

Vuleva ‘a me ‘o gelato

nu strunzillo ‘e neva grattata

ca menta ‘ncoppa

ce s’sarrecriava.

Viato a isso

c’apparava ‘o sfizio

mentr’io nun appare

maie nisciuno.

‘O viente c’ogge tira

m’’è miso ‘o friddo ‘ncuollo

che faccio comme ‘o pullo

o mette 'e piede a mmuollo

e aspetta primmavera

pe me levà  sta freva ?

Si Cristo è mmuorto

io che ce campo a ffà 

pe nu piatto 'e broro
cu ddoie pulpette 'e pane
pe quatte rafanielle 
e ddoie mulignane ?

Te voglio bbene 
comme ne voglio a ll'ate
E' inutile che dice
ca me faie fà peccato

ca nun ce 'a faccio cchiù 
a sentere chi dice
ca p'essere felice
e a fà, e a fà e po' te benedice...

Ostia Lido        23.12.019