Nu bello mestiere…
Agliottere muorze amare,
nun è nu bello mestiere.
Fa comme te pare
ma nun me venì a cuntà
chello ca po’ te succede.
Chi nun vò credere
ce adda ‘nchiappà.
Pigliarselo arreto fa male.
Chi nun ‘o prove
‘n ‘o po’ capì.
Cu chesto nun voglio dì
ch’è nicessario
m’agliottere muorze amare
manco ll’acqua d’’o mare
è accussì.
Levate ‘a chesta puteca
primm ca te taglieno ‘e ddete.
Tu nun si bbuono
ma pe chistu mestiere
ce vò nu core cchiù gruosso
‘e chllo ca tiene.
Appena sgamato
‘o carizzo cchiù bello è l’avviso
ca te tagliano ‘a faccia.
‘E nu bello guaglione
ne fanno nu straccio.
Gioacchino Ruocco
04.09.018 Ostia Lido
Nessun commento:
Posta un commento