Me pare na pupata.
Me pare na pupata,
ma tiene già
‘na quarantina ‘e anne…?
I' te ne deve quaccheduno ‘e meno.
‘na quarantina ‘e anne…?
I' te ne deve quaccheduno ‘e meno.
Piccerenella… eppure nun me pare.
Si bella tosta ca dint’a chesti mane
ce trase appena
comme te piglio piglio…
Nun pierde maie ‘o curaggio ‘e sta cu me:
pazzeo e tu pazzie
e ce screvimme nu sacco ‘e fessarie
ogne juorno ca passa,
ogne sera ca tuorne e m’arrepassa
pazzianno e redenno
ca ll’uocchie mie rideno
guardanno tutto stu bbene ‘e Ddio
ca te puorte appriesso..
Comme se sbaglia ‘a ggente !
‘O saie invece a me che m’hanno ditto ?
Ca pare ‘o nonnio mio
e invece so’ deritto comme ‘o fuso
e sempre pronto all’uso.
Pazzeo e m’arrecreo a faccia ‘e chille
c’ammirieno e se sceppeno ‘e capille
senza sapè
ca si tanta felice assieme a me.
G Ruocco
Nessun commento:
Posta un commento