Il lungomare com'era e come sarà.

In attesa della riapertura del lungomare che dalle prime immagini sembra una delusione certa, senza il fascino di qualche hanno addietro, rispetto alle immagini del passato che restano nella loro essenzialità l'immagine amata del nostro recente passato o di quello quand'ero appena un ragazzotto
all'inseguimento della ragazza di turno.

                                                 

                                                 

‘A santità che d’è  io nun ‘o saccio.

Si ogne straccio ‘e femmena

se crede na maronna.

si ogne giesù cristo

se crere figlio ‘e ddio

si quanno ‘o mare aonna nun è festa

sulo pe chillo

ca tutt’’e juorne 

stanno a menà ‘a rezza

quanno è tiempo

ca pure ‘o pesce

s’è fatto grussulillo.

‘A vita s’è ridotta a cose amare

ca fanno male a tutte

senza sparagno.

Nu sfizio ch’è nu sfizio chi t’’o dà !?

Si ogne giesù cristo passa e piglia

chello ca nun l’attocca,

ch’è robba ‘e l’ate,

facimmo nu triato tutt’’e juorne

senza sapè che fà

cu nu latuorno

ca ‘mbroglia ‘o core e ‘a capa

e attuorno attuorno

ce stanno sulamente cape ‘e rape

ca nisciuno vò

ca ‘un sanno cchiù che songo.

Mò tutte credeno,

addeventate sante,

ca ponno fà ‘e miracule

ca ll’ate ‘un hanno fatto.

Ma po’ t’arriva ‘ o sfratto

o na bulletta tanta,

uno ca scippa e fuje

e nuje c’’o core strano

a ce guardà sti mane

vacante o chiene ‘e niente.

Ce sta cchiù ggente

ca te porte ‘o viento

comme aria nova,

ca quanno songo ‘e nnove

haje voglia d’aspettà

ca nun se vede
chi t'ha ditto vengo.

Aspiette pure a chisto

ca ‘un se fa vedè p’’o scuorno

ca nun sape a chi adda rà ‘a colpa

‘a storia ca t’addà raccuntà

ca chille ‘e primme

sapeveno a memoria,

ma ogne tante

mullaveno qualcosa

quann’era ‘a festa

‘e qualche santo

pure d’’a parta nosta

dannece nu sfizio

e ‘o fatto apposta.

Gioacchino Ruocco
24.03.017