Mò ce mettimme contro ‘e muorte ‘e famme

Mò ce mettimme contro ‘e muorte ‘e famme

ca muorte ‘e famme ‘e primmi simme state

c’hammo rignuto ‘o munno sano ‘e nuie.

Portale arrete si nun ‘e vaje truvanno.

E ogne vote ca farraie accussi

nisciuno te po’ dì ca si nu ‘mfame.

Nun è nu quistione  sulo ‘e capa ‘e pane.

‘O fatto è serio ca ce ne stanno ll’ate

senza fa niente d’’a matina ‘a sera

o so’ sfruttate’a chi è delinquente

ca simmo chino e ‘e ggente malamente

ca fanno pegge ‘e chi ne fa fujì.

Ma chi ce ‘a miso dint’’e chiocche a chiste ?

L’aucielle ca veneno a fa ‘ nido

ma torneno po’ arreto quanno ‘o tiempo

s’acconcia a parta lloro ?

Oppure qualche mmuorzo sapurito

c’’a ggene ‘e ccà c’hanno capito ‘o fatto

se songo appreparato dint’’o piatto

pe fa marenna comme le pare e piace?

Nun saccio comme fa, quase ne moro!

Vedè nu frate ca soffre ‘a quanno è nato

mentre si jettà pure ‘bbene ‘e Ddio.

Ce desse ‘o mio, m’’o levasse ‘a vocca

m’attuorno ce sta ggente che m’allucca:

-Attocca primma  nuie chesto fanno.

A me nun m’è attuccato maie niente.

Eppure tengo a mmiria attuorno ame.

Ammiria ca pure senza diente

cuntinuo a mazzecà a bene o meglio

‘O ppane tuosto l’aggio levato ‘a miezo

e quanno ‘o core….faccio nu poco ‘e bbene.

Ma chi so’ mangio nun ‘o saccio maie.

Fa bene e scora m’hanno ditto ancora.

Ma veco chi sta male e chi po’ more

ca stanno ancora fore mmiez’a via.

Gioacchino Ruocco

11.06.018   Ostia Lido