A Carmine Solla…
Ma t’arrucuorde ‘e me ?
io nun te scorde
ca ‘un t’aggio
maie scurdato
nu mumento.
Songo anne
ca nun ce vedimmo
ma l’atu juorno
appena te vedette,
‘e spalle stive,
e te ricunuscette
me turnaie forte chillo currivo
‘e te dà forte nu schiaffetto
comme juacavemo a guagliune.
Sentette ‘a voce toia
e ‘o core
rispunnette
cu nu triemmolo,
ca rummanette
comme po succedere
c’’o dito aizato
comme si ‘o tiempo
nun fosse
maie passato.
Quanno t’avutaste
e te vedette
na lacreme
‘nt’a lluocchie accumparette
e accumminciaste
a raccuntà papocchie
comme facive a scola,
comme si ancora
stevemo nuie llà.
Gioacchino Ruocco
Ostia Lido 13.09.2020
Nessun commento:
Posta un commento