Voglia 'e ne parlà...

Si nun tenesse tiempo 'e te penzà

sarria meglio

ca quanno gira e avota

stu penziero

niente me lascia stà,

m'aizo e vaco 'ngiro

a na stanza a n'ata

pe sbarià nu poco.

Ma 'o ffuoco è tanto,

ca nun se vò stutà

e 'o male 'e panza

nun me fà restà 

indifferente

tanto c'aggia turnà 

'e na manera o 'e n'ata

chiammanno a qualcheduno

ca tene voglia 'e senterme,

na vogli' 'e parlà

'e chistu sentimento

ca nun me lascia stà.

 

Pecchè nun torno ?

E che ce torno a fà 

sulo pe levarme 'a nustalgia

                                        pe nun sentirme 'ncuollo stu turmiento ? 

Chello ca tengo a fà

è overo 'o pozzo fà

addò me trovo trovo

ma ll'ove bbone 

se fanno addò ce stà 'o gallenaro,

addò si abbituato

ca uno ccà e n'ato llà

nun danno 'a mangià maie a nisciuno

se perdeno, se guateno c''o tiempo

pure p''e serpe po' so' malamente.

 

Gioacchino Ruocco

Ostia Lido 28.12.2020