…ne so’ passate tante ...'e anne... di Gioacchino Ruocco

 

…ne so’ passate tante  ...'e anne...

 

‘E anne

ne so’ passate tante

c''a ggente mò me guarde

cu n’aria stanca

o uocchie ‘e maraviglia.

 

Qualcuno m’addumammna

ȃ chi ero figlio…

e quanno s’arricorda

quase nun ce crede

ca mamma mia e pateme

so’ mmuorte già ȃ tant’anne.

 

Qualcuno m’addumanne

addò so stato

tutto stu tiempo ca

nun ce hammo maie ‘ncuntrate.

ca Io l’addumanno è ddico

m’addò si stato tu

ca m’è passato

sempe sott’’o naso

ȃ che si nnato..

 

Addo ne stevo…?

Io stevo ȃ scala appriesso

c’’a capa sempe perzo

chi sa addò

ca m’addumanno

isso addò è stato

si ‘a capa soia

nun è bbona cchiù…

 

Tene nu core ‘e pimmice

senza na gocce ‘e sangue

ca quanno fa ‘a lemmosena

so sulo soldo ‘e spicce

ca manche

‘e machinette ‘e vonno cchiù…

ca si te so’ rimaste

so’ nu ‘mpiccio.

 

Allora io t’adddumanno

chi si tù

ca parle e dice

‘e essere felice

cchiù ê ll’ate

ca ‘a casa toia

è chiena ‘e cose

ca nun vonno ll’ate

e faie nu triato

ca nisciuno cchiù capisce

ca manco na resata

fa fà cchiù ?

 

Castiellammare è bella

ma tu…

tu si na scorza

dint’a na spurtella….

ca ll’aria secca

e ‘o viento se n''a porta

comme a na jacuvella

senza na ‘mpurtanza

‘e chello ch’essa era…

e cu nu male 'e panza

ca nun fà sta cuiete...

 

Gioacchino Ruocco

Ostia Lido     19.04.2021

Dalla raccolta "Tipi...ma quanti tipi..."

di prossima pubblicazione