M’ero truvato ‘o posto dint’’e terme.
Penzavo c’’o posto era sicuro.
Ce sta tant’acqua a Castiellammare
ch’’e ggente so bbeveno pe cura.
E invece ce hanno miso spalle ‘o muro
e ll’acque scorre affugannese ‘int’’o mare
senza a scunfirenzia 'e qualcheduno,
e guaie nuoste restano tale e quale
E ‘a fetenzia aumenta
e aumentanno ormaie è na samenta.
‘E nuie nisciuno cchiù se cura
cu ‘e spalle ‘o muro senza putè fa niente.
E ogne fine ‘e mese
ca tutt’’e mise vene
‘a vita se fa nera
senza cchiù qualche lire.
E’ overo ca magnammo
ma a caraco ‘e famiglie
e chi s’è fatto ‘e riebbete,
nun songo cchiù quisquiglie.
Quanno a pesielle.
ma ‘o ditto è vicchiariello
mò pure Cirio è distrutto.
Ormaie vestimmo a llutto.
Gioacchino Ruocco
Ostia Lido 04/03/2016
Nessun commento:
Posta un commento