Il busto di Raffaele Viviani…
‘A famma ca tenevo
nun era sule ‘a mia,
ma chella famma
c’ave criata Ddio.
Nun ‘a vulive sentere
manco int’’e poesie…
E allora chella ggente
ca se mureva ‘e famma
chi ave criate? Io…
ca te facevo sentere
‘e vvoce c’alluccavano,
p’avè nu muorzo ‘e pane
‘e chille ca ‘n avevano
cchiù pacienza
e aspettà ‘a grazia,
‘e nu soldo ca cadeva
‘a dint’’a sacca ‘e uno
e ciente p’arrunà…
Mò stongo ‘’miez’a villa
addò m’avito miso
p’’a gloria ‘e tutte chille
ca io te dico tienatille
pecchè cu chesta ggente
tu ce può fà ‘o rre.
Sto ancora a funderia.
chi sa quanno ‘aiesco ?
che v’aggia dì ?
che me sta succedenno ?
Che po’ succede ‘e peggio ?
Ca me ne cade ‘a piezze
e ‘a colpa ‘a danno a chillo
ca se ne jette appena me facette.
Si ‘o meglio ‘e chisto
nun capisce niente
quanno me piglio ‘o vverde
‘o bbusto se n’è ghiuto
a faccia ‘e chi s’aggusta
‘e solde sparagnate
‘e chi campa ‘e mazzette.
Chi sa quanto è pigliato.
Gioacchino
Ruocco
Gioacchino Ruocco
17.02.2020 Ostia
Lido
Nessun commento:
Posta un commento